#หัตกรรมกูบใบตาล
คำร้อง : สุวิทย์ วิชัด
ขับร้อง :ตั้ม ณัฐพล
เรียบเรียง : ภูวไนย ดิเรกศิลป์
ห้องอัด : BACKHAM STUDIO
สนใจติดต่อทำเพลง ได้ที่
Facebook : Backham PL Chromatic
Tel.0852088755 แบล็คแฮ่ม
Line ID : backhamstudio
(ลำพื้น) ฟังเด้อ มรดกล้าน กุบใบตาลเลอค่า ภูมิปัญญาแต่กี้ มีได้สืบคอง
ซ่อยฮักษาเด้อพี่น้อง แงงป่องทางวิธี หัตถกรรมเฮามี เป็นวิถี มาโดนแล้ว
มาเอาแนวดอกไปไว้ มาเอาในเด้อไปหว่าน กุบใบตาลงานบ่หล่า ศิลปาดอกชีพงาม
เฮืองๆนามเด้อเขตค้าม ดั่งดีเสมอแสน วัฒนาทั่วแดน ถิ่นอีสานของเฮานี้.
(แปลง) ข้าสิเซิญ มาเบิ่งงานหัตถา สืบวิชา จักสานดีได้ฮุ่งเฮือง
กุบใบตาลละก้านก่องคุณนองเนือง มาเบิ่งเบื้อง กรรมวิธีมีนานมา/.
ตัดใบตาลมามานไว้หนึ่งเพลา แรงกายาวิริยะมานะมี
ยวงใบตาลละยอดยาวเที่ยงที่ลี่ ลมพัดวี่ใจอาจหาญได้ตาลมา/.
ส่วนใบหนาปลายทางในใช้เป็นจอม โครงไผ่พร้อม สานเป็นวงมงกุฏฟ้า
ไม้ไผ่จุ้มมาดุมฮองเกี่ยวกอดท่า สุขอุราเป็นกุบสานหนอโครงงาม /.
ตาบใบตามส่งทางล่องล่องลงหา ปกเกศาให้มีฮ่มหนอซ่มแสน
หยิบใบตาลให้หล่ำเพียงเฮียงมั่นแก่น งามคือแมนแดนสวรรค์ประทานมา /.
ภูมิปัญญาใช้ซ้นฮ่มนิยมการ เครื่องจักสานกูบเฮืองล้าน มีทั่วแดน
พันธุ์สูงไม้ใบตาลชมงามแป่นแว่น ทั่วเขตแคว้น ถิ่นอีสานใช้นานโดน/.
กันหยาดฝนยามเดินทางยามเฮ็ดนา หยาดคงคาตกละอองต้องบ่มี
สุริยาแผดแสงแฮงวี่วี่ มีกุบนี้ ก็อาจเห็นว่าเย็นคลาย/.
เฮ็ดไว้หลาย ขายได้ดีมีเงินแสน ใส่ทั่วแดนแปนทางเปรื่องเฮืองปัญญา
ศิลปาชีพเฮืองเด้อเดื่องค่า ควรฮักษากุบไว้ใช้ให้ชั่วนาน
